O Portovello, situado na marxe dereita do Miño, preto da desembocadura do río Loña, foi o máis antigo dos dous portos fluviais que servían á cidade de Ourense, e vía principal para o paso de mercancías, fundamentalmente viño, cara a Compostela. Coa reconstrución da Ponte a mediados do século XIII, perde boa parte da súa importancia como vía de paso, protagonismo que recupera en 1431 cando se derruba o arco central da ponte e esta queda intransitable. É neste contexto no que se redacta o Libro do Portovello [ACO] para recoller a documentación do preito no que o cabido e o bispo aurienses disputan o control da barca do Porto Vello e das rendas de pasaxe derivadas do seu uso. O Libro , redactado en galego e, en menor medida, castelán, cunha estilizada letra cortesá, recolle trinta documentos, datados entre 1394 e 1431, estruturados en tres bloques. O primeiro inclúe o nomeamento dos homes bos que actúan como xuíces árbitros do preito e a presentación de procurador, testemuñas e documentación das partes; o segundo está centrado na probanza coa declaración das testemuñas do bispo, e o terceiro recolle a sentenza a favor do cabido, o acatamento do procurador do bispo e a toma de posesión da barca realizada polos representantes capitulares.
| Título | Libro do Portovello |
| Autoría |
Beatriz Vaquero Díaz Francisco Javier Pérez Rodríguez |
| Presentación |
Rosario Álvarez |
| Publicación | Santiago de Compostela: Consello da Cultura Galega, 2020 |
| Edición | 1ª edición |
| Descrición física | 143 p. |
| Notas | Contén: 1. Presentación (p. 8). 2.- Introdución: O control dos pasos do Miño no Ourense medieval: o preito do Portovello (p. 13); O manuscrito e a súa edición (p. 24). 3.- Libro do Portovello (p. 31) . 4.- Índice toponímico (p. 113). 4.- Índice antroponímico (p. 125). |
| ISBN | 978-84-17802-15-8 |
| Depósito Legal | C 528-2020 |
| Url externa | Catálogo RBG |
| Colección | Gallaeciae Monumenta Historica |
| Materias | |
| Áreas | |
| Código QR |
|
![Portada de Dramaturxias Itinerantes [ed. 2023]](http://www.consellodacultura.gal/mediateca/extras/CCG_2023_Dramaturxias-Itinerantes-ed-2023.jpg)
