Biografía de Cristina Fontaneda
Directora do Museo Patio Herreriano de Arte Contemporáneo Español de Valladolid desde 2006, institución que alberga desde a súa creación, en 2002, a Colección Arte Contemporáneo. Licenciada en Filosofía e Letras (Xeografía e Historia, especialidade de Arqueoloxía) e en Historia da Arte pola Universidad de Valladolid. Completou a súa formación co Mestrado en Xestión do Patrimonio Cultural pola Universidad Complutense de Madrid e cursos de Museografía, Museoloxía e Márketing Cultural realizados en Florencia (Italia).
É membro de varios comités e asociacións, entre os que destacan: a Comisión Asesora do MAS/Museo de Arte Moderno y Contemporáneo de Santander y Cantabria, e das asociacións: Mujeres en las Artes Visuales (MAV), o Instituto de Arte Contemporáneo (IAC), ADACE (Asociación de Directores de Arte Contemporáneo de España) e ACYLCA (Asociación de Críticos de Arte de Castilla y León), membro do grupo sectorial de Fundaciones de Cultura e do comité de coordinación do Consejo Autonómico de Castilla y León da Asociación Española de Fundaciones.
Traballa no Museo Patio Herreriano de Arte Contemporáneo Español de Valladolid desde o ano 2003, onde desempeñou os postos de coordinadora de conservación e rexistro e coordinadora de colección e exposicións antes de ser nomeada directora.
Anteriormente traballou como coordinadora de proxectos culturais en La Fábrica. Gestión + Cultura, S.L., destacando a coordinación do programa Generaciones 2003. Premios y Becas de Arte Caja Madrid ou a coordinación de loxística da V Edición del Festival Internacional de Fotografía PhotoEspaña 2002. Así mesmo, foi bolseira de Xestión Cultural do Ministerio de Educación e Cultura en 2000 na Dirección Xeral de Cooperación e Comunicación Cultural e en 2001 na Dirección Xeral de Belas Artes. Tamén, durante eses anos traballou na galería de Arte May Moré de Madrid.
É, ademais, vicepresidenta da Fundación Eugenio Fontaneda, entidade que desde o ano 2004 é responsable da xestión e conservación do Castillo de Ampudia (Palencia) e as coleccións artísticas que custodia.
É profesora e conferenciante en diversos cursos e mestrados sobre arte contemporánea, coleccionismo e xestión cultural e foi xurado en prestixiosos premios de arte contemporánea
