Biografía de Beatriz Vaquero Díaz
1963- A CoruñaMª Beatriz Vaquero Díaz (A Coruña, 1963) licenciouse en Xeografía e Historia pola Universidade de Santiago de Compostela no ano 1986 e obtivo o título de doutora en Historia pola Universidade de Vigo en xullo de 2001.
Na actualidade é profesora contratada doutora da Área de Ciencias e Técnicas Historiográficas e imparte docencia na Facultade de Historia (Universidade de Vigo).
A súa investigación céntrase na transcrición e estudo da documentación galega medieval, con traballos sobre institucións relixiosas, entre os que destaca a Colección diplomática do Mosteiro de San Salvador de Celanova (ss. XIII-XV), a edición do Libro das posesións do Cabido Catedral de Ourense (1453) e os dous tomos da Colección documental del Archivo de la Catedral de Ourense (888-1230) e (1231-1300).
