NOTICIA

Rexistros 2431 a 2442 de 2442
16/12/2004

GALICIA TENDE PONTES DE INTERCAMBIO CULTURAL COA MELLOR ARQUITECTURA MADRILEÑA

As xornadas "A arquitectura desde Madrid" comezaron esta mañá no Consello da Cultura Galega (CCG) rendéndolle un emotivo recordo ao arquitecto Rafael Baltar Tojo, membro da Sección de Arquitectura do CCG falecido no día de onte. O presidente da institución, Alfonso Zulueta de Haz, o coordinador da Sección á que pertencían, Iago Seara, e o director xeral de Urbanismo da Xunta, Martín Fernández, aproveitaron a ocasión para destacar a calidade humana de Rafael Baltar e o enorme traballo que fixo a prol da arquitectura en Galicia.
15/12/2004

O CONSELLO DA CULTURA GALEGA INAUGURA MAÑÁ AS XORNADAS "A ARQUITECTURA DESDE MADRID"

A Sección de Arquitectura do Consello da Cultura Galega celebra este xoves e venres, días 16 e 17 de decembro, as xornadas "A arquitectura desde Madrid", coas que se pretende ofrecer por vez primeira en Galicia unha visión ampla e pluriperspectiva da arquitectura que se está a desenvolver na actualidade na capital do estado. Destacados arquitectos, críticos e investigadores compartirán dous días de debate e reflexión sobre as súas traxectorias e obras, sobre os seus coñecementos e opinións sobre a arquitectura madrileña.
14/12/2004

A MELLOR ARQUITECTURA MADRILEÑA CENTRARÁ DOUS DÍAS DE DEBATE E ANÁLISE NO CONSELLO DA CULTURA

A Sección de Arquitectura do Consello da Cultura Galega celebrará este xoves e venres, días 16 e 17 de decembro, as xornadas "A arquitectura desde Madrid". Nelas, 14 dos máis relevantes arquitectos, investigadores e críticos da capital madrileña analizarán pormenorizadamente a arquitectura que se está a desenvolver nese territorio e exporán as súas obras e opinións ante preto de 140 profesionais e universitarios matriculados no encontro.
13/12/2004

O CONSELLO DA CULTURA GALEGA PRESENTA MAÑÁ MARTES AS XORNADAS "A ARQUITECTURA DESDE MADRID"

As xornadas "A ARQUITECTURA DESDE MADRID" serán presentadas en rolda de prensa mañá martes, día 14 de decembro, ás 12´00 horas, no salón de actos do Consello da Cultura Galega (CCG). O encontro está organizado pola Sección de Arquitectura do CCG e continúa a liña marcada polos encontros dedicados ás arquitecturas lisboeta, catalana e vasco-navarra celebrados con anterioridade.
26/11/2004

BAIONA CELEBRA ESTE SÁBADO A II XORNADA SOBRE "O CONDE DE GONDOMAR E A SÚA ÉPOCA"

A Comandancia da Mariña de Baiona (Pontevedra) acollerá este sábado, 27 de novembro, as II Xornadas sobre "O Conde de Gondomar e a súa época". Organizado polo Consello da Cultura Galega (CCG), o encontro, en sesión de mañá e tarde, contará coa participación de oito historiadores galegos. O acto inaugural será presidido, ás 10´15 horas, polo presidente do CCG, Alfonso Zulueta de Haz, a quen acompañará o presidente da Deputación de Pontevedra, Rafael Louzán Abal.
24/11/2004

O SIMPOSIO DE ANTROPOLOXÍA "LEMBRANDO A DON XAQUÍN LORENZO" ABRE AS SESIÓNS MAÑÁ NO MUSEO DO POBO GALEGO, EN SANTIAGO

O SIMPOSIO DE ANTROPOLOXÍA "LEMBRANDO A DON XAQUÍN LORENZO" servirá para estudar as orientacións que guiaron ao creador da etnografía galega e tamén para atender as incitacións da sociedade actual desde a perspectiva e a reflexión da antropoloxía cultural. Os obxectivos resumiunos o profesor Xosé Manuel González Reboredo durante a presentación do encontro que vai celebrarse os días 25, 26 e 27 de novembro no Museo do Pobo Galego, en Santiago de Compostela.
23/11/2004

O CONSELLO DA CULTURA PRESENTA MAÑÁ MÉRCORES O SIMPOSIO DE ANTROPOLOXÍA "LEMBRANDO A DON XAQUÍN LORENZO"

O Consello da Cultura Galega (CCG) acollerá mañá mércores, día 24 de novembro, ás 12´00 horas, a rolda de prensa de presentación do SIMPOSIO DE ANTROPOLOXÍA "LEMBRANDO A DON XAQUÍN LORENZO". Este encontro terá lugar os días 25, 26 e 27 de novembro no Museo do Pobo Galego, en Santiago de Compostela.
16/11/2004

UNÁNIME ELOXIO DOS GRUPOS PARLAMENTARIOS AO TRABALLO DO CONSELLO DA CULTURA GALEGA

Os tres grupos políticos representados no Parlamento de Galicia, PPdeG, PSdeG e BNG, eloxiaron o traballo e as iniciativas do Consello da Cultura Galega (CCG). Así o expresaron durante a comparecencia do presidente do CCG, Alfonso Zulueta de Haz, para dar conta do programa desenvolvido en 2004 e dos proxectos e presupostos para 2005.
10/11/2004

A ESCRITORA PORTUGUESA LÍDIA JORGE FALARÁ SOBRE O DESTINATARIO DA LITERATURA NO CONSELLO DA CULTURA

A escritora portuguesa Lídia Jorge será nesta ocasión a protagonista da tertulia literaria mensual que organiza a Sección de Literatura e Industrias da Edición do Consello da Cultura Galega. A autora pronunciará mañá xoves unha conferencia aberta ao público baixo o título "Para un destinatario ignorado", á que lle seguirá unha tertulia moderada por José Carlos Quiroga, escritor e profesor de Literatura Portuguesa da Universidade de Santiago.
05/11/2004

O ENCONTRO DE COMUNICACIÓN LUSO-GALEGO ANALIZA COMO GARANTIR A CALIDADE DA INFORMACIÓN DOS MEDIOS

Os II ENCONTROS LUSO - GALEGOS DE COMUNICACIÓN E CULTURA e o III CONGRESO LUSO - GALEGO DE ESTUDOS XORNALÍSTICOS, organizados pola Sección de Comunicación do Consello da Cultura Galega, continuaron esta mañá abordando algúns dos principais desafíos do sector, como o control da calidade da información, a relación do xornalismo coa literatura e a lingua ou o ensino nas faculdades.
04/11/2004

EXPERTOS EN COMUNICACIÓN REIVINDICAN O PAPEL DE GALICIA NO MUNDO LUSÓFONO

Un centenar de investigadores, estudantes e profesionais do mundo da comunicación participan desde esta mañá nos II ENCONTROS LUSO - GALEGOS DE COMUNICACIÓN E CULTURA - III CONGRESO LUSO - GALEGO DE ESTUDOS XORNALÍSTICOS, organizados pola Sección de Comunicación do Consello da Cultura Galega. O encontro comezou coa reivindicación do papel que debe xogar Galicia no mundo lusófono.
03/11/2004

EXPERTOS EN COMUNICACIÓN DE GALICIA E PORTUGAL ANALIZARÁN OS NOVOS DESAFÍOS DOS MEDIOS NO CCG

A Sección de Comunicación do Consello da Cultura Galega celebrará este xoves e venres, días 4 e 5 de novembro, os II ENCONTROS LUSO - GALEGOS DE COMUNICACIÓN E CULTURA e o III CONGRESO LUSO - GALEGO DE ESTUDOS XORNALÍSTICOS. Expertos en comunicación dos dous países analizarán a situación e os retos do sector en aspectos como os usos dos medios no ensino, as confluencias entre xornalismo e literatura, a actualidade das industrias culturais ou a situación do sector audiovisual.
02/11/2004

O ARQUIVO DA EMIGRACIÓN HOMENAXEA A TACHOLAS NO FESTIVAL DE CINE DE OURENSE

O Arquivo da Emigración Galega do Consello da Cultura Galega colabora na novena edición do Festival Internacional de Cine Independente de Ourense, que se celebrará do 6 ao 13 de novembro nesta cidade, para a recuperación da cinematografía galega na emigración. A institución promoverá unha homenaxe ao actor galego Fernando Iglesias "Tacholas", (Ourense 1909 – Bos Aires 1995), que tivo un papel destacado no teatro e na cinematografía arxentina.
26/10/2004

O PRESIDENTE DO CONSELLO DA CULTURA INAUGURA MAÑÁ EN OURENSE A EXPOSICIÓN "D. XAQUÍN LORENZO: O FOTÓGRAFO"

O presidente do Consello da Cultura Galega (CCG), Alfonso Zulueta de Haz, inaugurará este mércores, día 27, ás 19´30 horas, no Salón Nobre do Liceo de Ourense, a exposición "D. Xaquín Lorenzo: o fotógrafo".
21/10/2004

O SUBDIRECTOR DE PATRIMONIO INMATERIAL DA UNESCO DESTACA O VALOR DAS CANDIDATURAS MULTINACIONAIS COMO A GALEGO-PORTUGUESA

A Candidatura do Patrimonio Oral e Inmaterial Galego-Portugués xa está na sede da Unesco en París, onde foi recibida con satisfacción. Unha delegación de profesores de Galicia e do Norte de Portugal desprazáronse a París para entregar persoalmente na División do Patrimonio Inmaterial o dosier realizado da candidatura, no que colaborou o Consello da Cultura Galega. Acompañaron a esta representación, a embaixadora de Portugal diante da Unesco, Ana Zacarías, e o representante de España, Miguel Arias, a quen se lle fixo entrega dunha versión da documentación en cadanseu idioma.
15/10/2004

O PATRIMONIO INMATERIAL GALEGO-PORTUGUÉS OPTARÁ Á PROCLAMACIÓN DA UNESCO DE OBRA MESTRA DO PATRIMONIO

O vindeiro luns, día 18, a Candidatura do Patrimonio Inmaterial Galego-Portugués entrará na sede da UNESCO en París para optar oficialmente á proclamación de Obra Mestra do Patrimonio Inmaterial. Despois de dous anos de intenso traballo, a proposta obtivo o aval dos gobernos español e portugués, requisito indespensábel para optar a esta distinción.
14/10/2004

O CONSELLO DA CULTURA PRESENTA A CANDIDATURA A “PATRIMONIO INMATERIAL” DA UNESCO DA “TRADICIÓN ORAL NA ÁREA DO MIÑO GALEGO-PORTUGUÉS”

O Consello da Cultura Galega (CCG) acollerá este venres, 15 de outubro, a rolda de prensa de presentación da candidatura á consideración de "patrimonio inmaterial" da Unesco da "tradición oral na área xeográfica do Miño galego-portugués".
13/10/2004

O CONSELLO DA CULTURA RETOMA AS TERTULIAS LITERARIAS CUN ENCONTRO CO ESCRITOR LUSO URBANO TAVARES

A Sección de Literatura e Industrias da Edición do Consello da Cultura Galega (CCG) retomará este xoves, día 14 de outubro, o seu programa de encontros mensuais cunha tertulia aberta co escritor portugués Urbano Tavares Rodrigues (Lisboa, 1923), arredor do tema "A prosa de ficción portuguesa contemporánea".
11/10/2004

O ARQUIVO DE EMIGRACIÓN GALEGA RECIBE UN PREMIO "ENTRECULTURAS" DA DEPUTACIÓN DE PONTEVEDRA

06/10/2004

O CONSELLO DA CULTURA E O CABIDO RECUPERARÁN OS FONDOS EPIGRÁFICOS DO MUSEO DA CATEDRAL DE SANTIAGO

O Consello da Cultura Galega (CCG) e o Cabido da Catedral de Santiago asinaron esta mañá un convenio de colaboración para a recuperación e o tratamento dos fondos epigráficos pétreos, romanos e medievais, conservados no Museo Catedralicio. O Consello destinará a esta finalidade un total de 60.000 euros e o Cabido e o Arcebispado comprométense a coordinar a selección dos fondos e facilitar o traslado e posta a disposición dos investigadores.
05/10/2004

O CONSELLO DA CULTURA GALEGA E O CABIDO DA CATEDRAL ASINARÁN MAÑÁ UN CONVENIO PARA A RECUPERACIÓN DO PATRIMONIO HISTÓRICO

O Consello da Cultura Galega (CCG) e o Cabido da Catedral de Santiago asinarán mañá mércores, día 6 de outubro, ás 11´00 horas, un convenio de colaboración para a recuperación do patrimonio histórico galego. Trátase concretamente da recuperación e o tratamento dos fondos epigráficos pétreos conservados no museo catedralicio.
28/09/2004

OS LECTORES RECLAMAN UNHA MAIOR PRESENZA DO GALEGO NOS MEDIOS, SEGUNDO UN ESTUDO DO CCG

"O lector habitual de prensa reclama unha maior presenza do galego nos xornais". Esta é unha das principais conclusión do avance de datos do estudo "A lingua galega nos medios de comunicación", presentado esta mañá no Consello da Cultura Galega (CCG). A investigación, levada a cabo pola Sección de Lingua do CCG, parte dunha enquisa realizada a 1.200 persoas sobre o consumo de medios en Galicia e sobre as opinións e percepción que teñen sobre a presenza do galego nos diferentes soportes.
27/09/2004

O CONSELLO DA CULTURA PRESENTA ESTE MARTES, DÍA 28, UN ESTUDO SOBRE "A LINGUA GALEGA NOS MEDIOS DE COMUNICACIÓN"

O Consello da Cultura Galega (CCG) presentará en rolda de prensa mañá martes, día 28 de setembro, ás 12´00 horas, o avance de datos dun estudo sobre "A lingua galega nos medios de comunicación", no contexto do "Informe sobre o proceso de normalización do idioma galego".
13/09/2004

O CONSELLO DA CULTURA PRESENTA MAÑÁ EN CELANOVA AS ACTAS DO CONGRESO "CURROS ENRÍQUEZ E O SEU TEMPO"

O Consello da Cultura Galega (CCG) presentará mañá martes, día 14 de setembro, ás 12´30 horas na Casa de Curros en Celanova (Ourense) os dous volumes das "Actas do I Congreso Internacional-Curros Enríquez e o seu tempo".
21/07/2004

A EXPOSICIÓN "O SORRISO DE DANIEL" DEIXA O FORUM PARA SEGUIR AMOSANDO A CULTURA GALEGA NOUTRAS CIDADES

O Consello da Cultura Galega (CCG) fixo esta mañá un balance positivo da exposición "Galicia, o sorriso de Daniel", que desde o pasado 28 de xuño até onte mesmo estivo na Universidade de Barcelona dentro do programa de actividades do Forum de Barcelona 2004. O presidente do CCG, Alfonso Zulueta de Haz, considera que as pretensión da mostra, fomentar o diálogo intercultural e dar a coñecer a realidade galega no exterior, están acadadas e destacou o grande esforzo que supuxo para a institución este proxecto.
20/07/2004

O CONSELLO DA CULTURA GALEGA PRESENTA MAÑÁ MÉRCORES O CATÁLOGO DA EXPOSICIÓN "O SORRISO DE DANIEL"

O Consello da Cultura Galega (CCG) presentará mañá mércores, día 21, o catálogo da exposición "O sorriso de Daniel", que desde o pasado 28 de xuño e durante 24 días puido ser vista na Universidade de Barcelona, dentro das actividades do Forum Universal das Culturas 2004.
12/07/2004

UN INFORME DO CONSELLO DA CULTURA ANALIZA A ADAPTACIÓN DO GALEGO E DO SEU STATUS Á NOVA REALIDADE

A Sección de Lingua do Consello da Cultura Galega (CCG) presentou esta mañá na sede da institución o informe "Elaboración e difusión da lingua", o terceiro volume do proxecto de investigación sobre o proceso de normalización do idioma galego entre 1980-2000.
09/07/2004

O CONSELLO DA CULTURA GALEGA PRESENTARÁ O LUNS, DÍA 12, O VOLUME III DO INFORME SOBRE A NORMALIZACIÓN LINGÜÍSTICA (1980-2000)

O Consello da Cultura Galega (CCG) presentará o luns, día 12, ás 12´00 horas, en rolda de prensa, o volume III do Informe sobre "O Proceso de normalización do idioma galego 1980-2000", que aparece co título "Elaboración e difusión da lingua".
09/07/2004

O COLOQUIO DAS CANTIGAS DE SANTA MARÍA REMATA ABRINDO NOVAS VÍAS DE INVESTIGACIÓN DA OBRA

O COLOQUIO UNIVERSITARIO INTERNACIONAL AS CANTIGAS DE SANTA MARÍA: TEXTOS E CONTEXTOS (Historia, Arte, Música e Literatura), organizado polo Consello da Cultura Galega, chega hoxe ao seu fin despois de dous días de debate e estudo. No balance, o director do evento, Antoni Rosell, destacou que deste Coloquio naceron "novas vías e apostas de futuro para a investigación multidisciplinar do repertorio mariano". Na súa opinión, o relevante é que "aparezan novas perspectivas epistemolóxicas para abordar un repertorio que posúe a virtude de ofrecer múltiples ámbitos de interese: literarios, musicais, artísticos (as miniaturas), pero que tamén permite afondar no estudo da lingua galega, na figura da muller na Idade Media e mesmo na estratexia política no rei Afonso X".
08/07/2004

EXPERTOS INTERNACIONAIS REIVINDICAN O VALOR DAS CANTIGAS DE SANTA MARÍA DENTRO DA LINGUA GALEGA

O COLOQUIO UNIVERSITARIO INTERNACIONAL AS CANTIGAS DE SANTA MARÍA: TEXTOS E CONTEXTOS (Historia, Arte, Música e Literatura) reúne desde esta mañá aos máis destacados especialistas internacionais no repertorio mariano no Pazo de Xelmírez. A primeira xornada do encontro comezou analizando e destacando o valor deste códice como un dos cumios da literatura e da lingua galega.