O sábado, 2 de xullo, na igrexa de Santiago de Calvos de Randín, a Asociación de Amigos do Couto Mixto recuperou o acto anual de nomeamento de xuíces honorarios que se paralizara coa pandemia.
Nesta ocasión, recibiron tal recoñecemento Consuelo Castro Rei, avogada xeral do Estado; Armando González López, autor da letra do Himno do Couto Mixto, e a cineasta Diana Gonçalves, directora dun documental sobre a fronteira.
Ademais, anunciouse a posta en marcha da Academia das Ciencias Sociais do Couto Mixto, entre cuxos obxectivos está a promoción de estudos e iniciativas que contribúan a dinamizar o territorio e recuperar a súa identidade.