Alberto Núñez Feijóo, Presidente da Xunta de Galicia, destacou os lazos que unen Galicia e Australia. “Rosendo Salvado foi un avanzado da globalización que aínda vivimos”, sinalou o Presidente da Xunta de Galicia.
Para Ramón Villares, presidente do CCG, os resultados “foron superiores ás expectativas”, destacando a profundidade e a pluralidade coa que o simposio se achegou á figura de Rosendo Salvado. “El foi un home en contra do seu tempo e por riba do seu tempo”, destacou Villares.
Jane Hardy, embaixadora de Australia, destacou “que os traballos presentados no congreso foron profundos e de moitos niveis distintos” e suliñou que estes manifestaban os fortes vínculos que unen Australia con Galicia”.
Para Ramón Máiz, coorganizador do simposio, “as virtudes de Rosendo Salvado e o seu comportamento en Australia son unha lección de tolerancia e comprensión cara o outro que chegan do século XXI ata hoxendía”.
O Simposio rematou hoxe á mediodía tras día e medio de relatorios e actividades, entre as que destacaron a inauguración da exposición “Rosendo Salvado e o mundo aborixe”, que poderá ser vista durante o vindeiro mes no mosteiro de San Martiño Pinario.