A arte en tempo real é un novo ciclo da Sección de Creación de Artes Visuais Contemporáneas do Consello da Cultura Galega (CCG) que pretende coñecer, en boca dos seus protagonistas, o estado actual da arte na nosa comunidade. Constará de cinco xornadas e realizarase desde a perspectiva de diferentes axentes que interveñen no seu contexto: artistas, galerías, comisariado, museos, coleccións e publicacións.
26 de marzo de 2025Santiago de Compostela
Coa xornada dedicada ás publicacións, a Sección de Creación e Artes Visuais Contemporáneas do Consello da Cultura Galega remata o ciclo A arte en tempo real, elaborado co propósito de revisar e considerar os diferentes axentes que interveñen no estado actual da arte en Galicia e o condicionan.
Unha vez analizados os ámbitos referentes a artistas, galerías, comisariado, museos e coleccións nas xornadas precedentes, tócalles a quenda ás publicacións, un medio fundamental no contorno e a dinámica da arte que consideramos esencial para mostrar, difundir e poñer en valor o traballo artístico.
Nesta última xornada tentaremos aproximarnos ás diferentes vertentes e ás súas problemáticas e posibilidades. Realizaremos un percorrido polo mundo editorial máis formal, o vinculado a fundacións e institucións, e tamén polo que trata en particular o campo do libro de artista e polo que ofrece posibilidades creativas para a autoedición e a autoxestión. Todo isto será posible grazas á participación de relevantes profesionais que traballan, investigan e desenvolven tarefas especializadas nestes ámbitos. Da súa man abordaremos o estado da cuestión e o seu rumbo cara ao futuro.
ASISTENCIA A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MÁIS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
17:15 horas Un proxecto para a arte e o deseño contemporáneo. Fundación DIDAC Mónica Maneiro, directora artística da Fundación DIDAC
17:45 horas Posibilidades creativas do libro de artista Lucía Romaní, educadora e artista plástica, profesora na Facultade de Belas Artes de Pontevedra
18:15 horas A opción do fanzine: autoedición e autoxestión da propia obra Bernal Prieto, deseñador e ilustrador; representante do Autobán
18:45 horas
Exposición de materiais e breve descanso
19:00 horas
Mesa redonda Publicacións de arte en Galicia, presente e futuro
Modera: Lucila Yáñez
Participan: Mónica Maneiro, Lucía Romaní e Diego Bernal
19:30 horas
Conclusións e peche da xornada
LUGAR Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MAÍS INFORMACIÓN www.consellodacultura.gal
difusion@consellodacultura.gal
Consulta os materiais en http://consellodacultura.gal
ASISTENCIA A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
