Concerto
POSTAIS DE GALICIA. Música de Isidro B. Maiztegui Pereiro para voz e piano
Luns 16 de decembro ás 18:00 horasSantiago de Compostela
Concerto
POSTAIS DE GALICIA. Música de Isidro B. Maiztegui Pereiro para voz e piano
Luns 16 de decembro ás 18:00 horas Santiago de CompostelaIsidro B. Maiztegui Pereiro (Gualeguay, 1905-Mar del Plata, 1996) foi un compositor arxentino, descendente de emigrantes españois (de nai galega e pai vasco), que desenvolveu unha extensa actividade musical entre A Arxentina e España. Co paso do tempo convértese nunha das figuras máis relevantes da composición musical do século XX nos dous países debido á súa produción, que abrangue música de cine, teatral e de concerto. No ano 1994, animado polo profesor e xurista Luis Pérez Rodríguez, compón a derradeira obra do seu catálogo, os Seis poemas galegos de Federico García Lorca para canto e piano. Dous anos máis tarde, en abril de 1996, Maiztegui visita Santiago de Compostela para a presentación do libro O pórtico poético dos «Seis poemas galegos» de F. García Lorca, de Pérez Rodríguez, que ten lugar no Consello da Cultura Galega, onde estrea as súas cancións. Durante o recital, o propio compositor acompaña ao piano a soprano Marta de Castro. Un mes máis tarde, o 29 de maio de 1996, Isidro B. Maiztegui falecía en Mar del Plata.
Nesta ocasión, e con motivo do recoñecemento de Lucas López López co Premio Andrés Gaos na categoría sénior —que distingue a voz galega máis destacada, dentro do Certame de Canto Compostela Lírica, organizado pola Asociación de Amigos da Ópera de Santiago de Compostela co apoio do Consello da Cultura Galega—, as composicións de Maiztegui volverán soar no piano da institución, vinte e oito anos despois da súa estrea.
Para coñecermos mellor a pegada de Isidro B. Maiztegui, a xornada iníciase cun relatorio a cargo de María Fouz, doutora en Historia da Arte e Musicoloxía pola Universidad de Oviedo, que nos permite coñecer a traxectoria vital e musical do compositor arxentino e o contexto de creación da música para os Seis poemas galegos de Federico García Lorca.
O programa continúa con Postais de Galicia: música de Isidro B. Maiztegui Pereiro para voz e piano, a proposta musical do barítono Lucas López López, quen, acompañado de Sander C. Lekkerkerk ao piano, nos ofrecerá dez pezas que constatan a devoción de Maiztegui pola cultura e pola lingua da súa nai. No repertorio figuran non só os xa citados Seis poemas galegos de Federico García Lorca, senón tamén obras musicadas dos poetas Celso Emilio Ferreiro e Rosalía de Castro.
POSTAIS DE GALICIA. Música de Isidro B. Maiztegui Pereiro para voz e piano
Luns 16 de decembro ás 18:00 horas Santiago de Compostela 18:00 horas
Presentación
18:15 horas
Relatorio
Isidro B. Maiztegui: unha vida tecendo redes entre A Arxentina e España
María Fouz Moreno, doutora en Historia da Arte e Musicoloxía pola Universidad de Oviedo. Premio Extraordinario de Doutoramento pola súa tese doutoral, titulada El compositor Isidro Maiztegui en el cine y la música española: migraciones, modernización e identidad.
19:00 horas
Presentación de Postais de Galicia: música de Isidro B. Maiztegui Pereiro para voz e piano
Lucas López López, barítono
19:15 horas
CONCERTO
Postais de Galicia: música de Isidro B. Maiztegui Pereiro para voz e piano
Lucas López López, barítono
Sander C. Lekkerkerk, piano
PROGRAMA
Sin niño*
¿Qué pasa ô redor de min?*
Longa noite de pedra**
Danza da lúa en Santiago***
Noiturnio do adoescente morto***
Madrigal â cibdá de Santiago***
Romaxe de Nosa Señora da Barca***
Canzón de cuna pra Rosalía Castro, morta***
Cántiga do neno da tenda***
Tempo de chorar**
* Texto de Rosalía de Castro, composto en 1964.
** Texto de Celso Emilio Ferreiro, composto en 1968.
*** Do ciclo Seis poemas galegos de Federico García Lorca, composto en 1994.
Duración estimada: 35 min
LUCAS LÓPEZ LÓPEZ
Monforte de Lemos (2000). É graduado superior en piano e canto polo Conservatorio Superior de Música de Vigo. Actualmente continúa os seus estudos de canto na Zürcher Hochschule der Künste (Suíza) baixo a tutela do tenor Werner Güra. Obtivo o 1º premio no VIII Concurso de Solistas do CSMVigo. Tamén foi gañador das XXIV e XXV edicións do Concurso Mirna Lacambra, o cal supuxo o seu debut na temporada de Òpera a Catalunya. Recentemente acadou o Premio Andrés Gaos no VI Concurso de Canto Compostela Lírica, así como diferentes galardóns no XVI Concours international de la mélodie de Gordes. Formou parte da Ton Koopman Academy, na Haia (Holanda), ademais de ser antigo membro da Bachcelona Akademie. Participou en ciclos de concertos como o International M. K. Čiurlionis Music Festival, en Palanga (Lituania); Música para una época, do Museo de Belas Artes da Coruña; Músicas abertas, da Banda Municipal de Santiago de Compostela; ou Novas voces galegas, de Amigos da Ópera da Coruña. Protagonizou producións de Die Zauberflöte, Il barbiere di Siviglia, The Telephone, Il segreto di Susanna, Dido and Aeneas ou Carmina Burana.
Como pianista acadou as distincións: Mención de Honra na V Mostra Musical Eixo Atlántico; 2º premio no Concurso de Piano da Sociedad Artística Ferrolana; 2º premio no XIX Concurso-Festival Internacional «Music Without Limits», de Druskininkai, Lituania. No campo da música de cámara, foi premiado en diferentes edicións do Concurso de Cámara do CSMVigo.
SANDER C. LEKKERKERK
Sander C. Lekkerkerk comezou a tomar leccións de piano aos nove anos de idade con Miroslav Dimitrov. En 2008 e 2009, participou na obra Glenn Gould, produción teatral do Nationale Toneel que contou, entre outros, con Stefan de Walle. Tamén recibiu clases de piano de Marcel Baudet, Dorien Leidelmeijer e Martin Lekkerkerk. Posteriormente estudou no Conservatorio de Rotterdam con Stéphane De May. Recibiu clases maxistrais por toda Europa: para actuacións como solista, de Håkon Austbø, Riko Fukuda, Andreas Haefliger e Jean-Bernard Pommier, entre outros, e, para música de cámara, de Sander Sittig, Bart van de Roer, Eva Stegeman, Gijs Kramers, Gordan Nikolić, Herre-Jan Stegenga, Vesna Gruppman, Diemut Poppen, Lawrence Power e Ulrich Koella. Galardoado en varios concursos, foille outorgado o primeiro premio no FestiVal d’Anniviers en 2014, o que o levou a actuar no programa radiofónico Opium, da emisora pública neerlandesa Radio 4, e en espazos como a Jurriaanse e a Grote Zaal do centro de Doelen (Rotterdam), tanto en solitario como en contextos de música de cámara, entre outros. Desde entón tocou como solista (con orquestra) e en conxuntos por diversos lugares de Europa, como Francia, España, Suíza e Bélxica. No verán de 2021, Sander —que na actualidade reside e estuda en Suíza— tomou aulas co prestixioso pedagogo neerlandés do piano Jan Wijn e comezou estudos con Konstantin Scherbakov en Suíza, os cales rematou coa cualificación de cum laude en 2023.
Presentación
18:15 horas
Relatorio
Isidro B. Maiztegui: unha vida tecendo redes entre A Arxentina e España
María Fouz Moreno, doutora en Historia da Arte e Musicoloxía pola Universidad de Oviedo. Premio Extraordinario de Doutoramento pola súa tese doutoral, titulada El compositor Isidro Maiztegui en el cine y la música española: migraciones, modernización e identidad.
19:00 horas
Presentación de Postais de Galicia: música de Isidro B. Maiztegui Pereiro para voz e piano
Lucas López López, barítono
19:15 horas
CONCERTO
Postais de Galicia: música de Isidro B. Maiztegui Pereiro para voz e piano
Lucas López López, barítono
Sander C. Lekkerkerk, piano
PROGRAMA
Sin niño*
¿Qué pasa ô redor de min?*
Longa noite de pedra**
Danza da lúa en Santiago***
Noiturnio do adoescente morto***
Madrigal â cibdá de Santiago***
Romaxe de Nosa Señora da Barca***
Canzón de cuna pra Rosalía Castro, morta***
Cántiga do neno da tenda***
Tempo de chorar**
* Texto de Rosalía de Castro, composto en 1964.
** Texto de Celso Emilio Ferreiro, composto en 1968.
*** Do ciclo Seis poemas galegos de Federico García Lorca, composto en 1994.
Duración estimada: 35 min
LUCAS LÓPEZ LÓPEZ
Monforte de Lemos (2000). É graduado superior en piano e canto polo Conservatorio Superior de Música de Vigo. Actualmente continúa os seus estudos de canto na Zürcher Hochschule der Künste (Suíza) baixo a tutela do tenor Werner Güra. Obtivo o 1º premio no VIII Concurso de Solistas do CSMVigo. Tamén foi gañador das XXIV e XXV edicións do Concurso Mirna Lacambra, o cal supuxo o seu debut na temporada de Òpera a Catalunya. Recentemente acadou o Premio Andrés Gaos no VI Concurso de Canto Compostela Lírica, así como diferentes galardóns no XVI Concours international de la mélodie de Gordes. Formou parte da Ton Koopman Academy, na Haia (Holanda), ademais de ser antigo membro da Bachcelona Akademie. Participou en ciclos de concertos como o International M. K. Čiurlionis Music Festival, en Palanga (Lituania); Música para una época, do Museo de Belas Artes da Coruña; Músicas abertas, da Banda Municipal de Santiago de Compostela; ou Novas voces galegas, de Amigos da Ópera da Coruña. Protagonizou producións de Die Zauberflöte, Il barbiere di Siviglia, The Telephone, Il segreto di Susanna, Dido and Aeneas ou Carmina Burana.
Como pianista acadou as distincións: Mención de Honra na V Mostra Musical Eixo Atlántico; 2º premio no Concurso de Piano da Sociedad Artística Ferrolana; 2º premio no XIX Concurso-Festival Internacional «Music Without Limits», de Druskininkai, Lituania. No campo da música de cámara, foi premiado en diferentes edicións do Concurso de Cámara do CSMVigo.
SANDER C. LEKKERKERK
Sander C. Lekkerkerk comezou a tomar leccións de piano aos nove anos de idade con Miroslav Dimitrov. En 2008 e 2009, participou na obra Glenn Gould, produción teatral do Nationale Toneel que contou, entre outros, con Stefan de Walle. Tamén recibiu clases de piano de Marcel Baudet, Dorien Leidelmeijer e Martin Lekkerkerk. Posteriormente estudou no Conservatorio de Rotterdam con Stéphane De May. Recibiu clases maxistrais por toda Europa: para actuacións como solista, de Håkon Austbø, Riko Fukuda, Andreas Haefliger e Jean-Bernard Pommier, entre outros, e, para música de cámara, de Sander Sittig, Bart van de Roer, Eva Stegeman, Gijs Kramers, Gordan Nikolić, Herre-Jan Stegenga, Vesna Gruppman, Diemut Poppen, Lawrence Power e Ulrich Koella. Galardoado en varios concursos, foille outorgado o primeiro premio no FestiVal d’Anniviers en 2014, o que o levou a actuar no programa radiofónico Opium, da emisora pública neerlandesa Radio 4, e en espazos como a Jurriaanse e a Grote Zaal do centro de Doelen (Rotterdam), tanto en solitario como en contextos de música de cámara, entre outros. Desde entón tocou como solista (con orquestra) e en conxuntos por diversos lugares de Europa, como Francia, España, Suíza e Bélxica. No verán de 2021, Sander —que na actualidade reside e estuda en Suíza— tomou aulas co prestixioso pedagogo neerlandés do piano Jan Wijn e comezou estudos con Konstantin Scherbakov en Suíza, os cales rematou coa cualificación de cum laude en 2023.
LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Isidro B. Maiztegui na entrada do Álbum de Galicia
realizada por María Fouz Moreno:
O pórtico poético dos «Seis poemas galegos» de F. García Lorca
de Luis Pérez Rodríguez na Mediateca do CCG:
www.consellodacultura.gal
difusion@consellodacultura.gal
Consulta os materiais en http://consellodacultura.gal
Isidro B. Maiztegui na entrada do Álbum de Galicia
realizada por María Fouz Moreno:
O pórtico poético dos «Seis poemas galegos» de F. García Lorca
de Luis Pérez Rodríguez na Mediateca do CCG:
ASISTENCIA
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
POSTAIS DE GALICIA. Música de Isidro B. Maiztegui Pereiro para voz e piano
Luns 16 de decembro ás 18:00 horas Santiago de CompostelaSolicita a túa inscrición
POSTAIS DE GALICIA. Música de Isidro B. Maiztegui Pereiro para voz e piano
Concerto. Luns 16 de decembro ás 18:00 horasFicha técnica
Concerto
POSTAIS DE GALICIA. Música de Isidro B. Maiztegui Pereiro para voz e piano
Cando
Luns 16 de decembro ás 18:00 horasOnde
Santiago de CompostelaLugar
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202