Xornada

Hospitais e albergarías. Fitos nos camiños históricos e de peregrinación

  1. Inicio
  2. Eventos
  3. Xornada

Xornada.

Hospitais e albergarías. Fitos nos camiños históricos e de peregrinación

2 de decembro de 2024
Melide
Xornada

Hospitais e albergarías. Fitos nos camiños históricos e de peregrinación

2 de decembro de 2024 Melide
Os camiños históricos, entre eles os Camiños de Santiago, constitúen un elemento vertebrador do territorio, ao mesmo tempo que un elemento patrimonial que garda as pegadas da mobilidade de persoas, mercadorías ou ideas, así como das infraestruturas a elas asociadas. A súa comprensión é fundamental para recuperar a historia espacial das sociedades do pasado. Dar aloxamento ao camiñante, asistir ao enfermo e incluso ofrecer manutención eran as funcións principais de albergarías e hospitais ao longo da Idade Media, mais tamén en datas posteriores. Moitos destes espazos, normalmente localizados na beira dos camiños, eran promovidos tanto por reis, bispos e nobres, como polas ordes relixiosas e militares. En Santiago de Compostela, final do traxecto da peregrinación xacobea, o Hospital dos Reis Católicos, de promoción rexia, ou o Hospital de San Roque, promovido polo cabido e o arcebispo compostelán Francisco Blanco Salcedo (1574-1581), que garda nos seus baixos o camiño de acceso polo postigo da Algalia á cidade xacobea, son importantes exemplos destas arquitecturas en Galicia.

Este ano, a xornada que realizan conxuntamente o Consello da Cultura Galega e o Museo de Melide pon a ollada nos hospitais e albergarías asociados aos camiños históricos e de peregrinación en Galicia. Este encontro abrirá cunha intervención sobre os relatos de hospitalidade como marco deste importante fenómeno, para despois facer un percorrido polas estruturas deste tipo documentadas na comarca de Monterrei e rematar con tres estudos de caso revisados dende o punto de vista da historia, da arqueoloxía e da historia da arte respectivamente, dende A Fonsagrada ata Santiago de Compostela, pasando por Melide. Unha mirada transversal ás infraestruturas de acubillo e coidado dos camiñantes.
ASISTENCIA
Entrada libre e gratuíta até completar a capacidade da sala.
LUGAR
Centro Sociocultural Mingos de Pita
Galicia, 16-20
15800 - Melide
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Programa
Hospitais e albergarías. Fitos nos camiños históricos e de peregrinación
Programa en PDF
Prensa
01-12-2024

Unha xornada analiza o patrimonio de acubillo dos peregrinos

Temáticas
Arte Patrimonio
Ficha técnica 
Xornada.
Hospitais e albergarías. Fitos nos camiños históricos e de peregrinación
Cando
2 de decembro de 2024
Onde
Melide
Enderezo

Centro Sociocultural Mingos de Pita
Galicia, 16-20
15800 - Melide

Coordinación
Rebeca Blanco-Rotea
Cristina Vázquez Neira
Organiza
Consello da Cultura Galega
Museo da Terra de Melide