Xornada - José Rodríguez. O inicio da liña do tempo da ciencia en Galicia. Mércores, 16 de outubro de 2024
Xornada

José Rodríguez. O inicio da liña do tempo da ciencia en Galicia

  1. Inicio
  2. Eventos
  3. Xornada

Xornada

José Rodríguez. O inicio da liña do tempo da ciencia en Galicia

Mércores, 16 de outubro de 2024
Santiago de Compostela
Xornada

José Rodríguez. O inicio da liña do tempo da ciencia en Galicia

Mércores, 16 de outubro de 2024 Santiago de Compostela
ASISTENCIA
A asistencia é libre e gratuíta ata completar a capacidade da sala.
Recoñecer, coñecer e divulgar figuras senlleiras da ciencia en Galicia é unha das tarefas do Consello da Cultura Galega. Facelo en conexión con outras institucións supón un compromiso e un bo camiño para acadar a encomenda.

Esta xornada forma parte das actividades do ano do «matemático de Bermés». O acordo da Real Academia Galega de Ciencias de homenaxear a José Rodríguez González nomeándoo científico galego do ano 2024 é o facho que convoca á sociedade a dedicarlle diversos actos que amosen o recoñecemento dos galegos e galegas actuais a esta figura excepcional. Un fillo de Galicia nacido en Bermés (Lalín, 1770) nun contexto de subdesenvolvemento científico patrio, mais capaz de brillar con luz propia na Europa herdada do Século das Luces. O acordo está aliñado no tempo co bicentenario do seu pasamento, ocorrido en Santiago de Compostela o 30 de setembro de 1824.

No Consello da Cultura Galega o protagonista de hoxe vive desde hai tempo no Álbum de Galicia, así como no volume Álbum da Ciencia: 30 nomes e as súas achegas, no que José Rodríguez principia a liña do tempo. Este punto inicial non resulta casual xa que, é un referente de científico comprometido co rigor, coa contorna, coa aplicación do coñecemento e coa internacionalización. El demostrou unha fonda implicación cos seus ideais e os seus obxectivos como profesional e cidadán, poñendo luz tanto nas matemáticas e as súas aplicacións como na política. Por iso aparece citado en novelas de aventuras como referente real e segue a ser fonte de inspiración de novelas científicas actuais, como se poñerá de manifesto na xornada.

No mesmo espazo da exposición que proxecta o seu legado queremos dar a coñecer unha vida real e de novela, e facelo con relatoras e relatores que situarán o contexto histórico e político no que viviu Rodríguez, ademais de compartir a mirada da súa obra desde as matemáticas e a astronomía.
Programa
José Rodríguez. O inicio da liña do tempo da ciencia en Galicia
Programa en PDF
Prensa
15-10-2024

Unha xornada analiza a época e o legado de José Rodríguez, o matemático de Bermés

Temáticas
Ciencia
Ficha técnica 
Xornada
José Rodríguez. O inicio da liña do tempo da ciencia en Galicia
Cando
Mércores, 16 de outubro de 2024
Onde
Santiago de Compostela
Lugar

Igrexa da Universidade
Praza de Mazarelos, 2
15703 Santiago de Compostela

Organiza
Consello da Cultura Galega
Sección de Ciencia, Tecnoloxía, Natureza e Sociedade (CCG)
Colabora
Real Academia Galega de Ciencias
Universidade de Santiago de Compostela