Xornada

María Xosé Agra Romero

  1. Inicio
  2. Eventos
  3. De pioneiras e andainas

Xornada. De pioneiras e andainas

María Xosé Agra Romero

Na escoita da xustiza

Xoves, 27 de outubro de 2022
Santiago de Compostela
Xornada
De pioneiras e andainas

María Xosé Agra Romero

Na escoita da xustiza

Xoves, 27 de outubro de 2022 Santiago de Compostela
A igualdade e a xustiza esixen escoitar as voces das mulleres, as das que consideremos como “nosas” e as das que concibimos como “outras”
María Xosé Agra

Escoitar. Nun mundo cheo de ruído, a capacidade para outorgarlles valor á voz e ás súas tonalidades reflicte a profundidade e a importancia do pensamento de María Xosé Agra. Catedrática de Filosofía Política, investigadora, creadora de redes feministas e mestra de moitas xeracións de alumnos e alumnas da Facultade de Filosofía.

Muller comprometida co pensamento e o feminismo, nunca descoidou o cosido das ideas coa acción e o compromiso. Creadora de espazos para a reflexión, foi quen de dar forma no CCG a unha Comisión de Xénero que, co devir do tempo, se convertería no Centro de Documentación en Igualdade e Feminismos (CDIF). Este ano 2022 o CDIF dedica a xornada De Pioneiras e Andainas a quen foi a súa primeira directora.

Nesta xornada propomos, máis alá de volver sobre os seus numerosos libros e artigos ou sobre as súas moitas achegas aos espazos documentais e de arquivo, revisar décadas de andaina feminista en Galicia ollando os retos de futuro. Neste obxectivo estaremos acompañadas por investigadoras novas que grazas aos moitos camiños abertos seguen debullando os conceptos e as complexidades que rodean a filosofía feminista. Tamén poderemos gozar da experiencia de persoas que compartiron os tempos de tecer comunidades con María Xosé Agra. Comunidades de acción e pensamento que dan conta do compromiso da nosa homenaxeada coa cultura galega en sentido amplo.

As múltiples voces que compoñen esta xornada son só unha pequena mostra das que poboan a cartografía da nosa pensadora galega. Con elas e coas vosas propomos xerar un diálogo conxunto. Agardamos acollervos para poder gozar desta escoita compartida.
Programa
María Xosé Agra Romero
Programa en PDF
Prensa
26-10-2022

O ciclo De pioneiras e andainas homenaxea á filósofa María Xosé Agra

Ficha técnica
Xornada.
De pioneiras e andainas
María Xosé Agra Romero
Na escoita da xustiza
Data
Xoves, 27 de outubro de 2022
Lugar

Consello da Cultura Galega
Pazo de Raxoi, 2º andar
Praza do Obradoiro, s/n 15705
Santiago de Compostela
Tel.: 981 957 202 / Fax.: 981 957 205

Coordinación
Carme Adán Villamarín
María Xosé Porteiro García
Organiza
Centro de Documentación en Igualdade e Feminismos (CCG)
Consello da Cultura Galega