Xornada.

Musealizar a arte do exilio galego

Martes, 25 de outubro de 2022
Santiago de Compostela

Xornada

Musealizar a arte do exilio galego

Martes, 25 de outubro de 2022 Santiago de Compostela

O exilio da Guerra Civil ocasionou un éxodo sen precedentes da intelectualidade galega xunto á dispersión dun patrimonio artístico que tardou anos en ser parcialmente recuperado. O camiño do retorno favoreceu o regreso de varias coleccións creadas na diáspora; non obstante, a viaxe de volta non sempre foi posible, e entre os obstáculos encontrados atópase buscar un lugar onde depositar, nos seus lugares de orixe, un legado artístico e persoal.

O obxectivo que pretende esta xornada é afondar no labor que veñen desempeñando os museos e institucións que conservan o patrimonio cultural procedente do exilio galego, espazos que traballan na súa difusión e salvagarda. Con todo, non podemos esquecer o papel democratizador que exerceron as galerías de arte, pois foron as primeiras en dar a coñecer, no panorama cultural galego, aos artistas do exilio e en incentivar a incorporación das súas obras nas coleccións públicas e privadas.

A xornada organízase en dúas sesións, a primeira está dedicada aos museos monográficos creados para rescatar a memoria dun artista e renderlle homenaxe. Trátase dun tipo de institución que foi clave para a posta en valor de figuras do pasado, así como o impulso de proxectos expositivos e liñas de estudo. Na segunda sesión proponse analizar a representación que teñen estes artistas nos principais museos galegos, o proceso de integración nas coleccións e a súa presenza no discurso expositivo.

Da man dos principais representantes destas institucións, analizarase o panorama museístico galego e as súas coleccións, un tema de estudo que require ser abordado pola relevancia e as características distintivas que ten no mapa museístico español, e que abre a porta a futuros proxectos relacionados coa conservación da memoria democrática.

ASISTENCIA
A inscrición é gratuíta.
O número de prazas é limitado.
As prazas cubriranse por rigorosa orde de inscrición.

LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205

MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal

Programa

Musealizar a arte do exilio galego
Programa en PDF

Prensa

25-10-2022

Profesionais destacan a importancia de preservar a arte do exilio

24-10-2022

Unha xornada profunda na musealización do patrimonio cultural do exilio

Ficha técnica

Xornada.
Musealizar a arte do exilio galego

Cando

Martes, 25 de outubro de 2022

Onde

Santiago de Compostela

Enderezo

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205

Coordinación

Inmaculada Real López

Participante

Aurelia Balseiro
María América Díaz Pampín
Natalia Fernández Segarra
Beatriz Liz de Cea
Silvia Longueira
Carlos López Bernárdez
Ángeles Penas Truque
Javier Pérez Buján
Inmaculada Real López
Ángeles Tilve Jar

Organiza

Consello da Cultura Galega

Colabora

Secretaría Xeral de Emigración
Universidad Complutense de Madrid