Xornada

Legados dende a dislocación. Intervencións no presente e imaxinación do futuro nos exilios da Guerra Civil

  1. Inicio
  2. Eventos

Legados dende a dislocación. Intervencións no presente e imaxinación do futuro nos exilios da Guerra Civil

Xornada. San Simón - 16 e 17 de xuño de 2022
Información

Legados dende a dislocación. Intervencións no presente e imaxinación do futuro nos exilios da Guerra Civil

Xornada. San Simón - 16 e 17 de xuño de 2022
AS XORNADAS REALIZARANSE NA ILLA DE SAN SIMÓN (REDONDELA)
Estas xornadas xuntan especialistas no estudo do exilio producido pola Guerra Civil e que realizan o seu traballo dende diferentes puntos da xeografía galega, estatal e estranxeira. A través das tres mesas que fan de columna vertebral do encontro, prestaráselles atención tanto ás formas de inserción das persoas exiliadas nas sociedades de acollida mediante varias formas de militancia, como aos legados culturais que deixaron detrás de si durante o tempo no desterro e, finalmente, aos futuros que imaxinaron dende os contextos adversos que viviron.

O encontro está enmarcado polas achegas ao tema de debate realizadas por dúas das voces senlleiras no pensamento histórico de Galicia durante as últimas décadas, como son os historiadores Ramón Villares e Xosé M. Núñez Seixas, que ofrecerán, respectivamente, as conferencias de apertura e clausura. Tamén haberá tempo para un concerto a cargo do guitarrista Samuel Diz, que interpretará pezas de compositores exiliados por mor da Guerra Civil.

A maiores, ao dedicarlle o Día das Letras Galegas de 2022 a Florencio Delgado Gurriarán, aproveitamos a ocasión para conectar as reflexións do encontro coa traxectoria desta figura relevante para a historia cultural do exilio republicano galego. Farémolo mediante unha mesa redonda con persoal investigador vencellado coas tres universidades galegas, que falarán de diversos aspectos da actividade de Delgado Gurriarán durante o tempo do seu desterro en México.

Ofrécense estas xornadas en tempos nos que se nos fai tan inevitablemente obvio que, efectivamente, si que hai fronteiras, e estas seguen a ter diferente grao de permeabilidade en función da procedencia dende a que se concorre a elas. Fronte a esta realidade, convidámosvos a volver á nosa máis recente experiencia de éxodo masivo forzado pola violencia derivada de razóns ideolóxicas, para procurar alí aprendizaxes tiradas daqueles erros que aínda estamos a tempo de non repetir.
programa
Legados dende a dislocación:
Intervencións no presente e imaxinación do futuro nos exilios da Guerra Civil
Programa en PDF
Ficha técnica
Xornada.
Legados dende a dislocación. Intervencións no presente e imaxinación do futuro nos exilios da Guerra Civil
Data
San Simón - 16 e 17 de xuño de 2022
Coordinación
Pablo García Martínez
Participante
Mari Paz Balibrea Enríquez
Samuel Diz
Ana González Neira
Ricardo Gurriarán
Xurxo Martínez González
Relator/a
Manuel Artime
Manuel Aznar Soler
Jorge de Hoyos Puente
Teresa López Fernández
Eva Moreda
Xosé M. Núñez Seixas
Bárbara Ortuño Martínez
Giulia Quaggio
Ramón Villares
Organiza
Concello de Redondela
Concello de Redondela
Consello da Cultura Galega
Consello da Cultura Galega
Lugar

San Simón
Redondela (Pontevedra)

Imaxe de portada: Luís Seoane, Guerrilleros españoles (1947, óleo sobre lenzo). Cortesía da Fundación Luís Seoane