Concerto Arriola

Concerto.

Concerto Arriola

Xoves, 17 de decembro de 2020
Santiago de Compostela
Concerto

Concerto Arriola

Xoves, 17 de decembro de 2020 Santiago de Compostela
Con este Concerto Arriola o Consello da Cultura Galega quere presentar ao público os últimos avances no proceso de recuperación da obra esquecida dun talentoso (e precoz) pianista e un dos grandes compositores galegos da primeira metade do século XX: José Rodríguez Carballeira, máis coñecido como Pepito Arriola.

O compromiso da institución coa memoria musical de Arriolavén de lonxe. Foi xa en 2005 cando Xaime López, Luís Mera e Ramón Castromil uniron esforzos na angueira de recuperar o legado do artista, ao tempo que reconstruían unha peripecia biográfica intensa e complexa, cuxa pegada se esvae por momentos, tras as brétemas do Berlín posterior á Segunda Guerra Mundial ou nos seus últimos e descoñecidos anos na Barcelona dos 50. A xenerosidade coa que a familia de Xaime López nos permitiu acceder a partituras e documentación así como o saber musical e a dedicación constante cos que Maximino Zumalave se sumou á tarefa foron determinantes para os froitos recollidos nestes anos: eventos musicais, edición de partituras e gravacións orquestrais permitiron que Arriola fose máis e mellor coñecido.

Neste Concerto Arriola terán oportunidade de escoitar unha selección de pezas para voz e piano que, en esmerada edición de Joám Trillo, o Consello da Cultura Galega pon á disposición do público, arrequentando así os materiais presentados en publicacións anteriores da propia institución e dando continuidade ao seu irrenunciable mandato de velar pola recuperación e transmisión do patrimonio cultural galego.

Nesta ocasión, a soprano Lucía Iglesias e o pianista Brais González serán os encargados de presentar en público un Arriola aínda inédito. Se Brais González xa fixo soar en anteriores ocasións o piano no Pazo de Raxoi, o Consello da Cultura Galega congratúlase de que a voz deste Concerto Arriola sexa a de Lucía Iglesias, Premio Gaos no II Concursode Canto “Compostela Lírica”, no que colabora o propio Consello como expresión do seu apoio ás novas xeracións de artistas, que son a mellor garantía do noso futuro.

Dolores Vilavedra, coordinadora da Sección de Artes Escénicas, Musicais e Audiovisuais do CCG
ASISTENCIA
A inscrición é gratuíta e obrigatoria.
O número de prazas é limitado (30 persoas).
As prazas cubriranse por rigorosa orde de inscrición.
LUGAR
Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205
MAÍS INFORMACIÓN
www.consellodacultura.gal
difusion@consellodacultura.gal
Consulta os materiais en http://consellodacultura.gal
Ficha técnica 
Concerto.
Concerto Arriola
Cando
Xoves, 17 de decembro de 2020
Onde
Santiago de Compostela
Enderezo

Consello da Cultura Galega
Pazo de Raxoi, 2º andar
Praza do Obradoiro, s/n
15705 Santiago de Compostela
Tel.: 981 957 202 / Fax: 981 957 205

Participante
Brais González
Lucía Iglesias García
Presenta
Joám Trillo
Dolores Vilavedra
Maximino Zumalave Caneda
Organiza
Consello da Cultura Galega