Diálogos confinados

Diálogos confinados (11): Montaxe e produción de exposicións

  1. Inicio
  2. Ciclo en liña
  3. Diálogos confinados

Diálogos confinados

Diálogos confinados (11): Montaxe e produción de exposicións

DIÁLOGOS CONFINADOS (11)

Luns, 13 de xullo de 2020
Santiago de Compostela
Ciclo en liña
Nesta undécima entrega de Diálogos confinados,
Rosario Sarmiento, xestora cultural e integrante da Sección de Creación e Artes Visuais Contemporáneas do CCG, dialoga con:

Jesús Mosquera. Alma máter e socio de Jega Comunicación Visual (http://jegagrafica.es/) con vinte anos de proxectos ás costas da man de entidades como ABANCA, Museos Científicos Coruñes, Fundación Luís Seoane, Museo Unión Fenosa ou o MUNCYT.

Raquel Seijas. Xefa de produción de eventos de ESCENOSET á que leva vinculada dende 2008. ESCENOSET (http://www.escenoset.es/gl) conta cun amplo abano de clientes como a Cidade da Cultura, Museo de Historia Natural Luís Iglesias da USC, Consellería do Mar, Estrella Galicia ou a TVG.


Neste undécimo encontro, recuncamos no sector das artes plásticas, desta volta dende o ámbito menos coñecido para o público pero sen dúbida de grande importancia para o ámbito artístico como é o da produción e montaxe de exposicións. Trátase de equipos profesionais esenciais para facer realidade os proxectos expositivos, interlocutores necesarios e encargados de levar a cabo a complexa loxística que existe tras a montaxe dunha exposición temporal ou dun museo (deseño, sinalética, rotulación, iluminación etc...).

Ambos profesionais destacaron que o momento de parón inicial derivado do covid-19 foi aproveitado para unha diversificación de actividade e a profundización no ámbito dixital, pero que esta última non debería substituír a experiencia sensorial creada na visita ás exposicións físicas, coas que no futuro deberían convivir. Nese sentido salientan que na actualidade prima a contratación da exposición exterior e da demanda dixital, aínda que confían en que non se demore a recuperación do interior como espazo expositivo. Estes creadores de arquitecturas efémeras coinciden en que a actual crise pode ser máis breve ca do 2008 e que debería servirnos para volver ao esencial onde as macroexposicións dos grandes contedores culturais convivan coas exposicións locais e de pequenos artistas que necesitan tamén plataformas e espazos de difusión. Unha maior formación nas escolas para a valoración dos bens culturais do público do futuro; o establecemento de medidas de protección non só das persoas usuarias senón tamén dos prestatarios dos servizos; a reactivación da contratación de calidade e inxección económica por parte do sector público; a eliminación de trabas administrativas; a apertura de novas liñas de traballo e o reforzo do ámbito dixital son algunhas das claves que se deberían abordar a curto e medio prazo para un sector coa ollada posta na reactivación do traballo xa de cara ao último trimestre deste ano.
ASISTENCIA
A inscrición é gratuíta.
O número de prazas é limitado (100 persoas).
As prazas cubriranse por rigorosa orde de inscrición.
Entregarase diploma acreditativo de asistencia á xornada.
Para obter o diploma é preciso asistir ao 75% das sesións.
LUGAR
Consello da Cultura Galega
Pazo de Raxoi, 2º andar
Praza do Obradoiro, s/n 15705
Santiago de Compostela
Tel.: 981 957 202 / Fax.: 981 957 205
MAÍS INFORMACIÓN
Esta serie de entregas audiovisuais, a modo de pílulas culturais, ten por obxectivo tomarlle o pulso á cultura galega nesta situación de parálise provocada pola COVID-19.
Diferentes voces dos múltiples ámbitos que abrangue o complexo sector cultural achegarannos as súas percepcións sobre a realidade que están a vivir mediante breves diálogos moderados por persoas vinculadas ao Consello da Cultura Galega. Coñeceremos así tamén as súas expectativas de futuro a curto e medio prazo e mais que medidas cren necesario adoptar para paliar os estragos que está a causar no mundo da cultura. O obxectivo é tecermos unha radiografía polifónica da cultura confinada desde Galicia, coas súas perspectivas e demandas para un futuro inmediato.
Con esta aposta, xunto cos informes que está a realizar do xeito continuo o Observatorio da Cultura Galega e co traballo xornalístico do seu portal de divulgación cultural culturagalega.gal, o Consello da Cultura Galega quérese facer eco da preocupación do mundo da cultura e contribuír a sumar propostas que enriquezan o debate sobre o futuro dun sector, o cultural, que se demostrou esencial para as nosas vidas.
Prensa
06-07-2020

O atraso de exposicións e o peche de salas centran a undécima edición do ciclo “Diálogos confinados”

Ficha técnica 
Ciclo en liña.
Diálogos confinados
Diálogos confinados (11): Montaxe e produción de exposicións
DIÁLOGOS CONFINADOS (11)
Cando
Luns, 13 de xullo de 2020
Onde
Santiago de Compostela
Enderezo

Consello da Cultura Galega
Pazo de Raxoi, 2º andar
Praza do Obradoiro, s/n 15705
Santiago de Compostela
Tel.: 981 957 202 / Fax.: 981 957 205

Modera
Rosario Sarmiento Escalona
Participante
Jesús Mosquera
Raquel Seijas