Audiovisual

Ciclo en liña. Diálogos confinados

Audiovisual

DIÁLOGOS CONFINADOS (7)

Luns, 8 de xuño de 2020
Santiago de Compostela
Ciclo en liña
Nesta sétima entrega de Diálogos confinados, Xermán Hermida, xornalista de culturagalega.gal, dialoga con:

Paula Cons
Produtora executiva directora e guionista. Directora do documental histórico e de investigación La Batalla desconocida e guionista e produtora executiva do filme Lobos sucios vén de estrear como directora o filme La isla de las mentiras. Actualmente está traballando nunha longametraxe documental titulada A Cero.5 e no documental 2 vellas, 7 gatos e 3 máquinas de coser .
Mamen Quintas
Produtora executiva de Ficción Produccións, responsable de series como Hospital Real, O Códice, Vivir sen permiso ou Nada es para siempre. Acaba de retomar a rodaxe da serie 3Caminos, unha das grandes apostas audiovisuais do Xacobeo 2021.

Este encontro sobre audiovisual xuntou a dúas creadoras ás que o confinamento sorprendeu en dous momentos diferentes do proceso de elaboración dun produto audiovisual. Mamen Quintas atopábase en pleno proceso de rodaxe da serie 3Camiños e, por outro lado, Paula Cons estaba a piques de estrear o filme La isla de las mentiras. A parálise provocada pola crise do covid-19 modificou os plans previstos e o desenvolvemento dos seus proxectos, unha problemática que afecta a toda a cadea de produción audiovisual que emprega a 800.000 persoas en toda España. O reinicio simultáneo de moitas rodaxes, a parálise e tímido comezo das exhibicións, a suspensión de festivais e as dificultades para chegar a distribuidores afectan a un sector xa de seu precario e de ocupación discontinua na que existen elos especialmente febles como son o técnico, o creador ou o actoral. As desgravacións fiscais, unha flexibilización e axilización das axudas e a alta demanda das plataformas debida ao alto consumo audiovisual producido durante o confinamento configúrasen elementos de esperanza para a a viabilidade do sector.

Ficha técnica
Ciclo en liña.
Diálogos confinados
Audiovisual
DIÁLOGOS CONFINADOS (7)
Data
Luns, 8 de xuño de 2020
Lugar

Consello da Cultura Galega
Pazo de Raxoi, 2º andar
Praza do Obradoiro, s/n 15705
Santiago de Compostela
Tel.: 981 957 202 / Fax.: 981 957 205

Modera
Germám Hermida
Participante
Paula Cons Varela
Mamen Quintas Cruceira