18:00 horas
Presentación

18:15 horas
Espazos intermedios e vínculos sociais. Para pensar a política do cotián
Fernando Broncano dialoga con Ángel Pérez

Fernando Broncano
Doutor en Filosofía pola Universidad de Salamanca e catedrático de Filosofía da Ciencia na Universidad Carlos III de Madrid.

O seu campo xeral de traballo é a noción de racionalidade tanto nos seus aspectos teóricos, epistémicos, como prácticos. Desde aquí derivou a problemas máis xerais de filosofía da mente (racionalidade limitada, racionalidade colectiva, racionalidade e emocións). En canto á racionalidade práctica orientouse cara á filosofía da técnica: habilidades, plans, capacidade de deseño colectivo, etc. Nos últimos anos, interesouse pola teoría da cultura. Mantén unha actitude militante contra a división da cultura en cultura científica e humanística. Considera que a experiencia establece a escala de toda actividade humana.
Entre os seus libros están: Mundos artificiales (2000, Paidos); Saber en condiciones (2003, Antonio Machado); Entre ingenieros y ciudadanos (2006, Montesinos); La melancolía del ciborg (2009, Herder); La estrategia del simbionte (2012, Delirio Editorial); Sujetos en la niebla (2013, Herder); Russell, conocimiento y felicidad (Filosofía El País, 2015); Agencia, racionalidad y opacidad. Sujetos vulnerables en tierras libres (2017, EUDEBA); Cultura es nombre de derrota. Cultura y poder en los espacios intermedios (2018, Editorial Delirio); Puntos Ciegos. Conocimiento privado e ignorancia pública (2019, Lengua de Trapo); Cultura material y espacios de intimidad (2019, Cátedra).

Ángel Pérez Profesor xubilado de Filosofía de Bacharelato. Participou, dentro do grupo de didáctica da Filosofía Enxergo, na edición de vaios libros de Filosofía para o Bacharelato.