O Consello da Cultura Galega e a Casa de Mateus presentan o martes 25 de xuño a publicación "Repensar Ibérica: Uma reflexao sobre a Europa: Testemunhos de um encontro".  É o resultado dun seminario homónimo desenvolvido entre os dias 12 e 15 de Outubro de 2018. Aquela cita retomaba a tradición da Fundação da Casa de Mateus na organización de grandes seminarios de reflexión sobre asuntos contemporaneos: o ciclo “Repensar Portugal” que versou temas como a educación (1978), a rexionalización (1995) ou a sustentabilidade do proxecto de país (PensarRe Portugal, 2011).

O presente volume pretende prolongar as vías de reverberación dos temas em discusión, xuntando algunhas das comunicacións realizadas, algúns testemuños en torno da temática de cada unha das mesas e dos relatos integrais das sesións.

Na presentación estará presente a presidenta do Consello da Cultura Galega, Rosario Álvarez, xunto cos editores: Ramón Villares e Teresa Albuquerque.

Ademais, haberá unha conferencia a cargo de Luís Braga da Cruz e Ramón Máiz.