O Consello da Cultura presenta unha publicación facsimilar de homenaxe a Antonio Fraguas
O Consello da Cultura Galega (CCG) presenta mañá, venres 10 de maio, a publicación facsimilar con motivo do Día das letras Galegas que este ano se centra na figura de Antonio Fraguas. Na convocatoria estarán presentes Rosario Álvarez, presidenta da institución, e Clodio González, autor do estudo crítico. A publicación encádrase dentro das actividades que o Consello da Cultura Galega realiza con motivo do Día das Letras Galegas. Na rolda darase conta dos traballos realizados e da súa xustificación. Ademais, tamén se presentará o Roteiro Fraguas, un itinerario de corenta paradas arredor da vida e obra de Fraguas para web e dispositivos móbiles.
Datos da rolda de prensa
Data: venres, 10 de maio de 2019, ás 11:30 horas
Lugar: Consello da Cultura Galega
Asisten:
Rosario Álvarez, presidenta do Consello da Cultura Galega
Clodio González, autor da biografia e comentario crítico da obra