A xornada que se presenta, en cuxa organización colabora o Consello da cultura Galega, vai xa pola súa quinta edición, con notable éxito ata o de agora. A conferencia e o panel proposto forman parte dun conxunto de accións destina das a contribuir á mellora dos coñecementos necesarios para desenvolver a compren sión,o uso sustentable e a protección do medio mariño -de importancia estratéxica para Galicia-,e a fomentar a participación de todos os sectores interesados, neste caso,o alumnado e o profesorado da Universidade de Vigo e o público en xeral. Neste sentido, é preciso posuír coñecementos relativos aos desenvolvementos tecnolóxicos existentes destinados á protección do medio mariño, perotamén en relación coas estruturas e coas imaxes sociais que repercuten nas actitudes de cara ao desenvolvemen to sustentable e, en particular, ao respecto do mar. Así, pois, é fundamental que desde o ámbito educativo se propicien actitudes positivas e se dispoña de materiais didácticos axeitados para levar a cabo intervencións nas aulas.
Nesta ocasión a xornada estará dedicada a examinar e recoñecer o papeldas mulleres na xestión sustentable do mar desde todos os ámbitos. Ademais dun panel e dunha conferencia,a xornada incluirá a visita á exposición itinerante de divulgación, virtual e física, denominada "Sustentabilidade do mar en feminino", promovida pola Deputación de Pontevedra, o Campus do Mar e a Unidade de Igualdade da Universidade de Vigo; así como un percorrido poia web www.marenfeminino.campusdomar.gal,na que se insiren a propia exposición,entrevistas,fotografías e documentación diversa. Como novidade, presentaranse os materiais educativos do proxecto "O mar das mulleres: sustentable e produtivo", baseado na web indicada, que se realizou baixo os auspicios da Deputación de Pontevedra.
Contarase coa participación de Ana Morillas, responsable do proxecto "Oceánicas: a muller e a oceanografía",do Instituto Español de Oceanografía e a FECYT,que se ocupa de valorar e dar a coñecer o traballo científico daquelas mulleres que investigan e investigaron sobre os océanos.
Por outra parte,o equipo de investigación que desenvolveu a exposición e o proxecto anteriormente citados dará a coñecer o traballo realizado e os materiais didácticos elaborados, nos que se lles dá visibilidade ás mulleres dedicadas aos oficios do mar e se recoñecen, entre outras, as figuras das oceanógrafas galegas Ángeles Alvariño Gonzá1ez e Aida Fernández Ríos,ao tempo que se ocupan de alertar sobre os perigos que axexan ao océano e de salientar a importancia deste para a vida no Planeta. lncídese así na alfabetización oceánica, imprescindible no ámbito educativo.
A xornada será gravada por UVIGOlV, retransmitida por streaming e estará dispoñible en vídeo na ligazón que se facilitará no seu momento.
