O mércores, 3 de outubro, a presidenta do Consello da Cultura Galega (CCG), Rosario Álvarez, e o secretario xeral de Política Lingüística, Valentín García, presentarán en rolda de prensa unha unidade didáctica sobre Domingo Fontán. O material que se distribuirá entre centros educativos de toda Galicia recolle dun xeito educativo o legado e a biografía deste matemático e humanista pontevedrés ao que se lle dedica este ano o Día da Ciencia en Galicia.  Na rolda explicaranse os pormenores da elaboración deste material didáctico que servirá para introducir no ensino a figura deste científico destacado.

 Asisten:
Rosario Álvarez, presidenta do Consello da Cultura Galega
Valentín García, secretario xeral de Política Lingüística
Miguel Ángel Ríos, presidente da Real Academia Galega de Ciencias
Elena Vázquez Cendón, coautora da unidade didáctica e coordinadora da Sección de Ciencia, Natureza e Sociedade