XVI SALÓN DO LIBRO INFANTIL E XUVENIL DE PONTEVEDRA
ALIMARIAS, ESTRELAS E CLONS

As ciencias son unha forma de contar o mundo, unha narración argumentada. Parte do traballo científico é comunicar estas narracións ou cambiar as que foron contadas. Por que chamar “alimarias” ao lagarto ou ao lobo? Que nos contan as estrelas? Existen os clons, fóra das novelas?

Participarán: Francisco Díaz Fierros, coordinador da Sección de Ciencia, Natureza e Sociedade do Consello da Cultura Galega; Eduardo Rolland, xornalista e codirector de GCiencia; Iolanda Casal, xornalista e integrante da Sección de Ciencia, Natureza e Sociedade do Consello da Cultura Galega e X. Dosi Veiga, físico, divulgador científico e coordinador do APOD galego

Coordina: Marilar Aleixandre, escritora, catedrática de Didáctica das Ciencias da USC e membro da Sección de Ciencia, Natureza e Sociedade do Consello da Cultura Galega