O ciclo O(s) sentido(s) das cultura(s) continúa o martes ,4 de novembro de 2014, ás 17:00 horas no Consello da Cultura Galega co Profesor académico e catedrático de Literatura Moderna Europea na Universidade de Amsterdam, Joep Leerssen, quen presentará un relatorio titulado: ''Cultural nationalism as a transnational communicative process: The case of Celticism''.

Autor de numerosa bibliografía e partícipe en programas universitarios europeos, as súas principais liñas de investigación céntranse na historia intelectual e cultural do nacionalismo en Europa (particularmente o século XIX); a análise crítica, a teoría e a historia dos estereotipos nacionais e interculturais; a historia literaria e cultural de Irlanda; e as relación culturais nas periferias nacionais, zonas de transición e zonas fronteirizas internacionais.

Máis información sobre J.T. Leerssen en http://www.leerssen.nl/

A súa conferencia será impartida en inglés.

Lembre que só podemos garantir a distribución de material divulgativo ás persoas inscritas na actividade.